Plantun de Prouvènço

Pèr coumpara dos planto d'encò nostre

Ludwigia grandiflora & Geranium sylvaticum

Ludwigia grandiflora

Onagraceae

Nom en français : Jussie à grandes fleurs.

Descripcioun :
La jussìo-di-gràndi-flour es uno planto que trachis dins lis aigo morto e li roubino. S'un cop arribo dins un relarg, trachis à noun plus e envahis tout, coume sa cousino la jussìo-fausso-bourtoulaigo-d'aigo, Ludwigia peploides. Se recounèis de segur à si gràndi flour jauno e subretout que se tèn bèn drecho au contro de sa cousino. Pèr èstre segur, fau aluca lis estipulo que soun en pouncho eici e pas redouno. Aquesto jussìo es esterlo (2n = 80) e sa subsp. ié dison hexapetala.

Usanço :
A bessai d'ùni prouprieta mau couneigudo, mai s'avès lou courage, la fau derraba tre que n'en vesès.

Port : Erbo
Taio : 0,2 à 2 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ludwigia
Famiho : Onagraceae

Ordre : Myrtales

Coulour de la flour : Jauno
Petalo : 5
Ø (o loungour) flour : 2,8 à 5 cm
Flourido : Printèms - Estiéu - Autouno

Sòu : Ca
Autour basso e auto : 0 à 600 m
Aparado : Noun
Remarco : Planto envahissènto
Jun à nouvèmbre

Liò : Aigo - Roubino
Estànci : Mesoumediterran à Coulinen
Couroulougi : Óurigino neoutroupicalo
Ref. sc. : Ludwigia grandiflora (Michx.) Greuter & Burdet, 1987

Geranion(-de-fourèst)

Geranium sylvaticum

Geraniaceae

Noms en français : Géranium des forêts, Géranium des bois.

Descripcioun :
Lou geranion-de-fourèst es uno planto proun coumuno dins lis Aup en mountagno mejano, ounte emé soun rizoumo, fai de poulìdi coulounìo. La fueio èi proun penado e decoupado e lou pecou di flour, glandoulous (fotò) .

Usanço :
Es uno bono erbo pèr li vaco.